حصہ اول

حضرت داﺅد چونکہ خُدا کے ساتھ بڑی وفاداری کے ساتھ چلتے رہے اس لئے خُدا تعالٰی نے اُنہیں بہت سرفرازی اور کامیابی عنایت کی یہاں تک کہ اُن کے زمانہ میں بنی اسرائیل کی حدود دریائے فرات سے لے کر مصر کے دریا تک پھیل چکی تھیں۔ تاہم افسوس کی بات یہ ہے کہ حضرت داﺅد کے بعد آنے والے بادشاہ اور اُن کی رعایا خُدا کے ساتھ وفادار نہ رہے جس کے سبب سے بنی اسرائیل کی سلطنت زوال کا شکار ہو گئی ۔ اس سبق میں ہم یہی سیکھنے کی کوشش کریں گے کہ بنی اسرائیل کی یہ سلطنت کس طرح زوال کا شکار ہوئی۔ اورکس طرح ان ساری باتوں کے باجود خُدا اُن کے ساتھ وفادار رہا۔