اشرف المخلوقات ہونے کی بنا پر اِنسان خُدا تعالیٰ کے نزدیک نہایت ہی قابلِ قدر ہے۔ اورچونکہ خُدا تعالیٰ اِنسان کو دیگر تمام مخلوقات سے بڑھ کر پیار کرتے ہیں اِس لئے وہ کسی بھی اِنسان کی تذلیل برداشت نہیں کر سکتے ،خواہ اُس کا تعلق کسی بھی رنگ و نسل اور مذہب و عقیدے سے کیوں نہ ہو ۔بلکہ جو بھی کسی اِنسان کی توہین کرتا ہے یا اُسے تباہ کرتا ہے خُدا تعالیٰ اُسے ضرور بدلہ دیتے ہیں۔اِس لئے لازم ہے کہ ہم ہر اِنسان کا احترام کریں۔
