انجیلِ مقدس کے مطابق خدا کی بادشاہت یا آسمان کی بادشاہی سے مراد ایک ایسا پاک معاشرہ جس میں وہ لوگ شامل ہونگے جو راست باز اور پاک دل ہیں وہ خدا کو اپنی زندگی کا بادشاہ تسلیم کرتے ہیں اور اس کی کامل مرضی بجا لاتے ہیں۔ خدا کی بادشاہی کا آغاز تو اس دنیا میں ہوچکا ہے تاہم اس کی تکمیل آسمان پر ہوگی۔ اس بارے میں یسوع مسیح فرماتے ہیں۔ اُس وقت راستباز اپنے باپ کی بادشاہی میں آفتاب کی مانِند چمکیں گے۔ جِس کے کان ہوں وہ سُن لے۔
(متّی 13 باب 43 آیت)۔
خدا کی بادشاہی کا تصور دنیاوی بادشاہی سے قطعاً مختلف ہے۔ زمینی بادشاہی جغرافیائی، مادی اور نظریاتی ہوتی ہے جب کہ خدا کی بادشاہی کا تعلق نہ تو کسی خاص ملک اور نہ ہی کسی مخصوص تہذیب، قوم، مذہب یا نظریہ سے ہے۔ بلکہ خدا کی بادشاہی عالمگیر ہے اور اس کا تعلق انسان کے دل سے ہے۔ جو بھی خدا کو اپنی زندگی کا بادشاہ تسلیم کرتا ہے اور اس کی مرضی کے مطابق زندگی بسر کرنے کے لئے تیار ہو جاتا ہے۔ اُس کا تعلق خواہ کسی بھی ملک، قوم، اور مذہب سے کیوں نہ ہو وہ خدا کی بادشاہی کا شہری تصور کیا جاتا ہے۔

مندرجہ ذیل سوالات کے جوابات دیں۔